நீங்கள் தேடியது "துணை ராணுவம்"

ராய்ப்பூர்:


இந்நிலையில், சுக்மா மாவட்டம் பீமாபுரம் பகுதியில் மாவோயிஸ்டுகள் பதுங்கியிருப்பதாக தகவல் கிடைத்தது. இதையடுத்து சிஆர்பிஎப் வீரர்கள் அப்பகுதிக்கு சென்று தேடுதல் வேட்டையில் ஈடுபட்டனர். அப்போது மாவோயிஸ்டுகள் துப்பாக்கியால் சுட்டு தாக்குதல் நடத்தினர். சிஆர்பிஎப் வீரர்களும் பதில் தாக்குதல் நடத்தினர். இந்த சண்டையில் 4 மாவோயிஸ்டுகள் கொல்லப்பட்டனர். அவர்களிடம் இருந்து 3 துப்பாக்கிகள் கைப்பற்றப்பட்டுள்ளன. அப்பகுதியில் தொடர்ந்து தேடுதல் வேட்டை நடந்து வருகிறது. #ChhattisgarhNaxals #ChhattisgarhEncounter

சென்னை:

பாராளுமன்ற தேர்தலையொட்டி தமிழகம் முழுவதும் பறக்கும் படையினர் தீவிர சோதனை நடத்தி வருகிறார்கள்.

சென்னையில் இந்த சோதனை முடுக்கி விடப்பட்டுள்ளது. சென்னை மாநகர் முழுவதும் அரசு அதிகாரிகள் மற்றும் போலீசார் அடங்கிய பறக்கும் படையினர் அதிரடி வேட்டையில் ஈடுபட்டு வருகிறார்கள்.

மொத்தம் 48 பறக்கும் படையினர் பணப்பட்டுவாடாவை தடுக்க சோதனை மேற்கொண்டுள்ளனர். முக்கிய சாலைகள், சந்திப்புகளில் ரோந்து செல்லும் பறக்கும் படையினர் கார், வேன் உள்ளிட்ட வாகனங்களை நிறுத்தி சோதனை நடத்தி வருகின்றனர்.

நேற்று முதல் நடைபெற்று வரும் சோதனையில் சென்னையில் பணம் ஏதும் பிடிப்படவில்லை. சட்ட விரோதமாக பணம் கடத்தப்படுகிறதா? என்பதை ஆய்வு செய்து வரும் பறக்கும் படையினர் பரிசு பொருட்கள் கொண்டு செல்லப்படுகிறதா? என்பது பற்றியும் சோதனை மேற்கொண்டுள்ளனர்.

சென்னையில் வட சென்னை, தென் சென்னை, மத்திய சென்னை ஆகிய 3 பாராளுமன்ற தொகுதிக்குட்பட்ட பகுதிகளில் இந்த சோதனை நடத்தப்பட்டு வருகிறது.

எழும்பூர், தாம்பரம், பெரம்பூர், கொளத்தூர் உள்ளிட்ட இடங்களில் சோதனை தீவிரமாக நடந்தது.

இந்த நிலையில் போலீஸ் டி.ஜி.பி. அலுவலகம், கமி‌ஷனர் அலுவலகம் ஆகியவற்றில் போலீஸ் கட்டுப்பாட்டு அறையும் திறக்கப்பட்டுள்ளது.

டி.ஜி.பி அலுவலக கட்டுப்பாட்டு அறை கண்காணிப்பு அதிகாரியாக ஐ.ஜி.சே‌ஷசாயி உள்ளார். சென்னை கமி ஷனர் அலுவலக கட்டுப்பாட்டு அறை அதிகாரியாக வடசென்னை கூடுதல் கமி‌ஷனர் தினகரன் நியமிக்கப்பட்டுள்ளார். இவர்களது மேற்பார்வையில் தேர்தல் கண்காணிப்பு பணிகள் மேற்கொள்ளப்பட்டு வருகின்றனர்.

இதற்கிடையே துணை ராணுவ படையினர் இன்னும் சில தினங்களில் தமிழகம் வர உள்ளனர். இவர்கள் பறக்கும் படையினருடன் இணைந்து பணியாற்ற உள்ளனர். #LSPolls

புதுச்சேரி:

புதுவை கவர்னர் மாளிகை முன்பு முதல்-அமைச்சர் நாராயணசாமி தலைமையில் நடந்து வரும் தர்ணா போராட்டத்தால் புதுவையில் பெரும் பரபரப்பும், பதட்டமும் ஏற்பட்டுள்ளது.

இதனையொட்டி, சென்னை ஆவடி மற்றும் அரக்கோணம் பகுதியில் இருந்து 4 கம்பெனி துணை ராணுவம் வரவழைக்கப்பட்டுள்ளது.

இதில், ஒரு கம்பெனி துணை ராணுவத்தினர் இன்று (வியாழக்கிழமை) காலை 6.40 மணியளவில் டிஜிபி அலுவலகம் வந்தனர். இதில், 128 துணை ராணுவ படை வீரர்கள் இடம் பெற்றுள்ளனர்.

இவர்கள் கவர்னர் மாளிகை, சட்டமன்றம் மற்றும் கடற்கரை சாலையில் பாதுகாப்பு பணியில் ஈடுபட்டனர். மீதமுள்ள 3 கம்பெனி துணை ராணுவத்தினர் கோரிமேடு போலீஸ் மைதானம் வந்துள்ளனர். அவர்களும் நகர பகுதியில் பாதுகாப்பு பணியில் ஈடுபட உள்ளனர்.  #Narayanasamy #GovernorKiranbedi